Møre og Romsdal SP krev stimuleringsmidlar til kommunevegar

Etter framlegg frå Marit Nerås Krogsæter, fylkesleiar emerita i Møre og Romsdal Senterparti vedtok årsmøtet førre veke ein resolusjon kring flaskehalsar for tømmertransport og anna næringstransport på kommunale vegar.
Tekst: Helge Kårstad

Her kan du lese det gode og gledelege resolusjonsvedtaket frå fylkesårsmøtet til Møre og Romsdal Senterparti den 3. mars:

“Flaskehalsar for næringstransport på kommunale- og fylkeskommunale vegar er eit hinder for utvikling i distrikta. Ifølgje veglista er 85% av kommunevegane i Noreg ikkje tillatne for standard tømmervogntog. Det hastar å fjerne flaskehalsane for å kunne klassifisere opp desse vegane, og ein må sørge for at kommunane og fylkeskommunane blir satt i stand til å ruste opp vegar som er avgjerande for å kunne frakte tømmer.
Møre og Romsdal Senterparti krev:
At Staten må løyve stimuleringsmidlar til å fjerne flaskehalsar for tømmertransport og anna næringstransport på kommunale vegar. Transportøkonomisk Institutt sine analysar bør bli lagt til grunn for prioriteringar innanfor eit slikt stimuleringsprogram”